Link açıqlığı

Saatnıñ esas haberi

Çiygoz: qırımtatarlarnıñ saylavlarğa qatnaşqanı pek alçaq edi


Akimiyetniñ «Devlet şurası»na saylavlarğa qatnaşqanı aqqında arizasına ve milliy urbalarğa kiyingen yaşlarnıñ rey berüvi ile yapılğan numayışına baqmadan, yarımadanıñ tamır halqınıñ büyük bir qısmı saylavlarnı körmemezlikke urdı. Bunı Meclis reisiniñ muavini Ahtem Çiygoz bildirdi. O, qırımtatar saylayıcılarnıñ sayısı az olğanını da tüşüne.

Bağçasaray rayonı boyunca saylavlarnı izaatlağan Ahtem Çiygoz qırımtatarlarnıñ «passiv olğanını» qayd etti. «Umumen ise Qırım boyunca saylayıcılarnıñ 10-15% qayd ete bilemiz», – dedi o.

Qırım.Aqiqat mühbiri qırımtatarlarnıñ toplu yaşağan yerlerge barıp, iştiragi aqqında soravnı keçirdi. Aq-Meçet qasabasında soravdan keçkenlerniñ ekseriyeti saylavlarğa barmadı.

Bazıları vaqıt olmağanını ayttı, bazıları – Meclisniñ saylavlarnı boykot etmege qararını hatırlattı. Çoqusı qırımtatarlar Qırımnı Ukraina qısmı olaraq tanığanını aytqan edi.

Bazar künü, sentâbrniñ 14-nde işğal etilgen Qırımda birinci kere Rusiye qanunlarına köre, «Devlet şurası», Aqyarda ise, «Şeerniñ qanun çıqarıcı toplaşuvı» akimiyet organlarına saylavlar keçti. Bunen beraber yerli akimiyet organlarna da saylavlar ötkerildi.

Ukraina baş prokuraturası, Qırım Muhtar Cumhuriyetinde qanunsız saylavlarnıñ ötkerilüvi cinayetçilik olğanını hatırlattı. Saylavlarnıñ teşkilâtçılarını 10 yılğa apiske ala bileler.

İşğal etilgen Qırımda saylavlarğa öz menfiy munasebetini Ukraina SNBO, İçki İşler Nazirligi de bildirdi.

Qırımtatar milliy meclisi ve qırımtatarlarnıñ bir sıra teşkilâtçıları vatandaşlarnı saylavlarnı boykot etmege çağırğan edi.

XS
SM
MD
LG