Link açıqlığı

Qırımtatar milliy Meclis reisi Refat Çubarov ve qırımtatarlarnıñ milliy yetekçisi, halq deputatı Mustafa Cemilev Ukraina Yuqarı Şurasına «Blok Petra Poroşenko» cedveli boyunca saylanacaqlar. Bunı firqa toplaşuvı vaqtında Yuriy Lutsenko bildirdi, dep haber ete Azatlıq Radiosı.

Onıñ sözlerine köre, olar «bütün postmaydan firqalarına er biriniñ cedveline qırımtatar milliy Meclisinden eñ azından birer vekil olsun» degen muracaatı ile bulundılar. Lutsenko «cedvelimizde eki insan – Mustafa Cemilev ve Refat Çubarov» olacağını qayd etti.

Müddetten evel parlament saylavlarına «Blok Petra Poroşenko» cedveliniñ birinci yerinde «UDAR» firqasınıñ yetekçisi Vitaliy Kliçko olacaq.

«Blok Petra Poroşenko» ve «UDAR» firqaları saylavlarğa beraber ketmege qarar aldılar.

Ukraina Yuqarı Şurasına müddetten evel saylavlar oktâbr 26 künü keçirilecek.

XS
SM
MD
LG