Ukrain devletiniñ soñki 23 yıl devamında Qırımd alıp barğan etnik siyasetini talil eterek, rusiyeliniñ demokratikligi ukrain meselesine kelip, sönse, ukrainkisi qırımtatar meselesinen toquşqanda yoq olğanını qayd ettim.
Biz ukrainliler bu milletke nisbeten işançsızlıq, milliy üstünlik duyğularnı ve siyasiy basqını toqtatmağance, bir qaç asır devamında poloniyalılarğa, soñra ruslarğa davranğanımız kibi, o da bizgey şay baqacaq.
Qırımtatarlarğa tuvğan topraqta özüni serbest duymağa imkân berip, ve şimdiki vaziyette buña irişmek içün er şey yapılsa, em de Ukrainanıñ Qırımdaki Havfsızlıq Hızmeti ve Rusiye tarafdarları daima añğan Türkiye ve mustaqil qırımtatar devleti aqqında ğalerni tekrarlamasaq, biz kerçekten yaqın bir dost, qardaş halqnı öz tarafımızğa celp etip olurmız.
Sizniñ fikiriñizce, parlamentte100-den 4 qırımtatar mandatı degil de, kvotağa köre 15-20-30 olsa edi, cumhuriyette devirim yapıp olur edilermi? Qırımtatarlar kerek olğanı qadar, prokuratura, mahkeme, Havfsızlıq Hızmetinde temsil etilgen olğan olsa ediler, ne olur edi?
«Nezaketli adamlarnıñ» silâsı altında Rusiye tarafdarları olğan parlament vekilleri separatistik qararlarnı almazdan evel, Meclis 15 biñ qırımtatarı ile birlikte Yuqarı Radanı blok etkenini unutmayıq.
Qırım yarımadasınıñ tamır halqı olaraq qırımtatarlar vaqtında tanılğan olsa ediler, Rusiye mart 16 künü ötkerilgen «referendum»nı qullanıp olur edimi?
Ve bu kibi sualler çoq.
Qırımtatarlarnıñ meselelerini körmemezlikke urğan soñ, olar içün aqaretlev ve işançsızlıqnı kim bildirgeni müim olmaycaq.
Men işanam, biz ukrainliler tolerantlıqnı kösterip, halqlarımıznıñ taqdirleri biri-birine oşağanını hatırlap, stalin qurumı yoq etken qırımlılarnıñ aqlarını tiklermiz, ve Qırımnıñ Ukrainağa qaytması içün kerekli şaraitlerni peyda etermiz.
PS. Metin ksenofoblar içün yazılmağan
Sergey Kostinskiy, qırımlı siyasiy mesleatçı
«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün
