Qırımda, Moskva vaqtı boyunca saat 18:00, Qırımnıñ «Devlet Şurası»na saylavlarda tahminen 45,03% rey berdi. İşbu saylavlar Qırımnıñ saylav komissiya saytında aşkâr etildi.
Saylav komissiyasınıñ malümatına köre, Kezlevde saylayıcılarnıñ sayısı 52,38%, Canköy rayonı – 51,61 ve Keriçniñ Arşintsev saylav bölüginde 50,47% teşkil ete. Aqmescitniñ bölüginde (36,61%), Paytahtnıñ merkeziy bölüginde (36,73%) ve Kefede (38,06%) insan keldi.
Saylayıcılarnıñ qoşulğanı aqqında tahminiy malümatnı saat 21:00 aşkâr etilecektir.
Bazar künü, sentâbrniñ 14-nde işğal etilgen Qırımda birinci kere Rusiye qanunlarına köre, «Devlet şurası», Aqyarda ise, «Şeerniñ qanun çıqarıcı toplaşuvı» akimiyet organlarına saylavlar başlandı. Bunen beraber yerli akimiyet organlarna da saylavlar ötkerile.
Ukraina baş prokuraturası, Qırım Muhtar Cumhuriyetinde qanunsız saylavlarnıñ ötkerilüvi cinayetçilik olğanını hatırlattı. Saylavlarnıñ teşkilâtçılarını 10 yılğa apiske ala bileler.
İşğal etilgen Qırımda saylavlarğa öz menfiy munasebetini Ukraina SNBO, İçki İşler Nazirligi de bildirdi.
Qırımtatar milliy meclisi ve qırımtatarlarnıñ bir sıra teşkilâtçıları vatandaşlarnı saylavlarnı boykot etmege çağırğan edi.
