Sentâbrniñ 14, bazar künü saat 12.00-ge yarımada «saylavlarında» 267 biñ 907â da 20,60% insan iştirak etti.
Aytqanına köre, Aluştada saylavlarğa 18%, Or-Qapuda — 22%, Cankoyde— 22%, Canköy rayonında — 25%, Saq ve Akmeçit rayonlarında – 27%, Leninskom — 28%, Qarasuvbazar, Seyitler, İçki rayonlarında — 25%, Bağçasaray rayonında – 23%.
Malışev qayd etkeni kibi, saylaycılarnıñ sayısı mart ayındaki «referendumdan» azca olğanını tasdiqladı, amma aqşamğa qadar adamlarnıñ sayısı öser, dedi.
«Tabiy ki, 2014 senesi mart ayına nisbeten qatnaşqanlarnıñ sayısı azca. Bu añlaşılğan ve tabiy bir al. Amma, ep bir saat 20.00-ge qadar 60% ya da ondan ziyade fayızğa qadar köterileceginde eminim», — dedi Malışev.
Qayd etkenine köre, saylavlarda 4 biñ 397 közetici buluna. Sentâbr 14 künü, işğal etilgen Qırımda ve Aqyarda merkeziy ve yerli saylavlar ötkerile.
