Link açıqlığı

Aqmescitniñ Boğurça qasabasındaki milliy mektepte yerleşken 353 sanlı saylav bölüginde bildirgenileri kibi, qırımtatarlar saylavlarğa suvuq yanaştılar. Bunı Qırım.Aqiqat saytına komissiya reisi Natalya Prânik haber etti. Onıñ sözlerine köre, bu saylav bölüginde qayd etilgen sakinlerniñ ekseriyeti qırımtatarlardır. Amma, saat 11.45-ke saylaycılarnıñ sayısı 1143 adamdan 98-ni teşkil etti.Müddetten evel tek 3 adam rey berdi.

Qırım.Aqiqat mühbiri bildirgeni kibi, saylav bölüginde adam aman-aman yoq. Mektepniñ qapusında imayeciler vekilleri, Rusiye Fevqulâde Vaziyetler Nazirligi ve politsiya hadimleri turalar.

Komissiya yolbaşçısı saylaycılarnıñ sayısı ne sebepten az olğanını añlatqanda, «adamlar daa uyanmadı» dedi. Qırımtatarlar saylavlarnı boykot etelermi, sualge «cevap berip olamam» dep qayd etti.

Hatırlatamız, Meclis ve bir sıra qırımtatr teşkilâtları vatandaşlarına muracaat etip, saylavlarnı boykot etmege çağırğan edi. İşğal etilgen Qırımda saylavlarnıñ neticelerini ukrain teşkilâtları ve Qırımdan köçip ketkenler birleşmeleri tanımaycaqlarını bildirdiler.

XS
SM
MD
LG