Link açıqlığı

Basqı ve atta işten çıqaruv ile bağlı qorquzuvlar sebebinden qırımtatarlarnıñ bir qısımı sentâbr 14 künü keçirilgen saylavlarda iştirak etmege mecburlar.

Bunı Qırım.Aqiqat saytına qırımtatar milliy areketniñ vekili, Qurıltaynıñ merkeziy saylav komissiyasınıñ reberi Zair Smedlâyev bildirdi.

«Devlet müessiseleri, mektep, hastahane hadimlerini cedvlelde qayd etip, iştirak etmege mecbur eteler. Mektep müdirlerine emir berildi, olar saylav ceryanı devamında, ğaliba, 3 kere esbat bermek kerekler» - dedi Smedlâyev.

O qayd etkeni kibi, basqı sebebinden yardım sorap, muracaat etkenlerge, saylavlarda iştirak etmek, er kimniñ bir aqqı olğanını hatırlattılar.

Smedlâyevnin fikirince, bu sıqıştıruvğa baqmadan, saylavlarda iştirak etken qırımtatarlarnıñ sayısı 10%- nı teşkil etecek.

XS
SM
MD
LG