Sentâbrniñ 14, bazar künü işğal etilgen Qırımda episi saylav bölükleri vaqtında açılmadılar.
Bunı Qırım Cumhuriyeti saylaycılar Komiteti cemaat birleşmesinde bildireler.
Cemaat vekillerniñ bildirgeniye köre, bozuluvlar müddetten evel saylavları bülletenlerniñ resmiyleştirüvi çoqqa uzağanınen bağlı.
«Hususan, Aqmescitniñ 240 sanlı saylav bölüginde müddetten evel rey bergenlerniñ sayısı çoq olğanından sebep, bölük tek 08:37 açıldı. Aynı zamanda, Aqmescitniñ 301 sanlı saylav bölüginde komissiya vekilleri müddetten evel saylağanlarnıñ zarflarını açıp, müür qoydılar, bu ise bozuluvdır», – dep aytıla bildirmede.
Bozuluvlar arasında, közeticelerniñ saylav bölüklerine yiberilmemesinen bağlı.
Aqmescitniñ 225 sanlı bölüginde közeticilerni içerige qoymadılar, çünki, evelden saylağanlarnıñ bülletenlerini talil ete ediler.
«Bu ciddiy bozuluvdır, çünki közeticiler olmağan vaqıtta komissiya azaları bülletenlernen istegen er şey yapa bildiler, atta, kerekli neticelerni elde etmek içün sahtecilikke qapılmaq mümkün ediler. Boğurça qasabasında da komissiya azalarnıñ areketleri sualler doğura, çünki olar saylaycılarnıñ iştiragi aqqında malmüatnı gizleyler, ve bülletenlerni soñra qoşmaları mümkün», – dep ayttı birleme reisi Andrey Krisko.
Sentâbr 14 künü, işğal etilgen Qırımda ve Aqyarda merkeziy ve yerli saylavlar ötkerile.
Öz başına tayin etilgen baş nazir Sergey Aksönov bütün saylav bölükleri vaqtında açılğanını aytqan edi.
