Qırım «parlamentiniñ» spikeri Vladimir Konstantinov Aqmescitniñ Çaykovskiy adına muzıkal oquv yurtunda yerleşken 379 sanlı saylav bölüginde rey berdi. Mühbirlernen laqırdı etkende, «yañı Qırım ve onıñ kelecegi içün» rey bergenini ayttı.
Bunı Qırım «parlamentiniñ» matbuat-hızmeti bildire.
«Umumen alğanda, cumhuriyet endi yañı deñişmeler, yañı ayat vaziyetinde yaşay. Bizim ğayelerimizni yerine ketirmek içün büyük fursat bar. Eminim, er şey kerçekleşir», – dep ayttı Konstantinov.
Bunen beraber, o yarımada sakinlerini saylav bölüklerine kelmege çağırdı.
Saylavlarda öz başına tayinlengen Qırım baş naziri Sergey Aksönov endi iştirak etti, o, saylavlardan soñ, iç kimse Qırımnıñ Ukrainağa qaytarıuvı mevzusını açmaz, dedi.
