Keriçte mühbirlerniñ episi saylav bölüklerinde çalışıp olamadılar. «Argumentı nedeli – Kerç» haber etkeni kibi, matbuat vastalarınıñ Keriç saylav bölüklerinde çalışuv qaidelerni tek tünevin aqşam yolladılar.
Berilgen malümatqa köre, kirişte mühbirlerden qoşma vesiqalarnı soraylar: pasport, kâğıtta müür ile tasdiqlanğan muarririyetniñ vazifesini talap eteler. Bu vesiqlar olmasa, saylav bölükke yibermeyler.
«Evelden saylav komitetiniñ reberi Svâtoslav Brusakov bildirgeni kibi, mühbirler saylav bölüklerine şeadetname ile keçe bilecek»,– dep bildirile.
Bazar künü, sentâbrniñ 14-nde işğal etilgen Qırımda birinci kere Rusiye qanunlarına köre, «Devlet şurası», Aqyarda ise, «Şeerniñ qanun çıqarıcı toplaşuvı» akimiyet organlarına saylavlar başlana. Bunen beraber yerli akimiyet organlarna da saylavlar ötkerilecek.
