Qırımnıñ öz başına tayin etilgen baş naziri Sergey Aksönov, sentâbr 14 künü Aqmescitniñ 10 sanlı mektebinde açılğan saylav bölüginde sayladı.
Krıminform bildirgeni kibi, o mühbirlege «tertip ve istiqrarnı» seçkenini ayttı.
«Stabillik ve tertip içün, er şey yahşı olsun dep, rey berdim»,— dedi Aksönov.
O emin, saylavlardan soñ, iç bir kimse «Qırımnı qaytarmaq mümkünligi mevzusını iç bir kimse qullanmaycaq».
«Bu soñki qarar ve muzakere etilmez, tarihtaki yañı saife»,– dedi Aksenov.
Bazar künü, sentâbrniñ 14-nde işğal etilgen Qırımda birinci kere Rusiye qanunlarına köre, «Devlet şurası», Aqyarda ise, «Şeerniñ qanun çıqarıcı toplaşuvı» akimiyet organlarına saylavlar başlana. Bunen beraber yerli akimiyet organlarna da saylavlar ötkerilecek.
Yarımadada 1205 saylav uçastkası bar, olardan 43 - muvaqat sayıla, olar saba saat 8.00-den aqşam saat 20.00-ge qadar çalışacaqlar.
Ukraina baş prokuraturası, işğal etilgen Qırımda saylavlarnıñ ötkerilüvi akimiyetni elde etmek ıntıluvı, dep bildirgen edi. Saylavlar teşkilâtçılarnı 10 yılğa qadar müddet bekley.
