Link açıqlığı

İşğal etilgen Qırımda saylavlar başlana


Bazar künü, sentâbrniñ 14-nde işğal etilgen Qırımda birinci kere Rusiye qanunlarına köre, «Devlet şurası», Aqyarda ise, «Şeerniñ qanun çıqarıcı toplaşuvı» akimiyet organlarına saylavlar başlana. Bunen beraber yerli akimiyet organlarna da saylavlar ötkerilecek.

Yarımadada 1205 saylav uçastkası bar, olardan 43 - muvaqat sayıla, olar saba saat 8.00-den aqşam saat 20.00-ge qadar çalışacaqlar. Qırımda 27 territorial saylav komissiyası, Aqyarda - 4 saylav komissiyası meydanğa ketirildi, 190 bölük açıldı.

Qırım parlamenti ya da Devlet şurası kibi bilingen organğa saylavlar qarışıq sistema boyunca ötkerilecek. 75 deputtan 50-si firqa cedvelleri boyunca, 25 – bir mandatlı majoritar bölükler boyunca saylanacaqlar.

Aqyarda «Qanun çıqarıcı toplaşuvğa» saylavlar qarışıq sistemağa köre keçirilcek. 24 halq vekilinden 16 siyasiy firqalarnı temsil etecekle, 8 – zi bölüklerde saylanacaqlar.

Qırım İçki İşler Nazirliginiñ beş biñ hadimi ve şahsiy qoruv teşkilâtlarnıñ 200 vekili saylavlar devamında tertip nizamnı temin etecekler.

İşğal etilgen Qırımnıñ akimiyeti saylaycılarnıñ sayısı 80%dan çoq olacağını tahmin eteler.

Bundan evel Meclis reisi Refat Çubarov Qırım sainlerni sentâbr 14 künü ötkerilecek saylavlarnı boykot etmege çağırğan edi.

Ukraina baş prokuraturası, işğal etilgen Qırımda saylavlarnıñ ötkerilüvi akimiyetni elde etmek ıntıluvı, dep bildirgen edi. Saylavlar teşkilâtçılarnı 10 yılğa qadar müddet bekley.

XS
SM
MD
LG