Link açıqlığı

«Qırımtatarlarnıñ qarşılıq areketinde» BMT-nı Qırım üzerinde nezaretni pekitmege çağırdılar


Aqmescit – «Qırımtatarlarnıñ qarşılıq areketi»niñ idarecisi Nedim Halilov Birleşken Milletler Teşkilâtınıñ İnsan aqları boyunca Şurasına qırımtatarlarnıñ milliy toprağı – Qırım yarımadası üzerinde BMT-nıñ nezaretini pekitmege muracaat etti.

Bu aqta faalciniñ Qırım.Aqiqat saytında olğan mütenasip arizasında aytıla.

Halilov Rusiye ve Ukrainağa yönelgen rezolütsiyanı bakmağa teklif etti. Oña köre, «qırımtatar halqınıñ Qırımda öz milliy devletçiligi olmasınıñ aqqı»nı belgilenmeli.

İşbu arizanıñ negizlerinden biri olaraq Halilov qırımtatarlarnıñ aqları bozulğanını ve «Qırım yarımadanıñ tamır halqı olğan qırımtatarlarnıñ izini, haberi olmadan ve onıñ iradesine qarşı qırımtatarlarnıñ işğal etilgen milliy toprağında 14.09.2014 senesi saylavlarnıñ belgilenmesi»ni qayd etti.

«Qırım yarımadasınıñ statusı belgilenmedi, Qırım tamır halqınıñ milliy toprağında aqqı amelge keçirilmedi, bu ise Rusiye Federatsiyasınıñ arbiy bölükleriniñ silâlı istilâsına, qırımtatar halqınıñ milliy territoriyasınıñ işğaline ve Rusiye Federatsiyasınıñ nezareti altında işğalci rejiminiñ pekitilmesine ketirdi»,– dep haber ete faaliyetçi.

Halilov şunı qayd etti ki, sentâbr 14 kününe «qırımtatar halqınıñ milliy territoriyasında belgilengen «saylavlar» qırımtatarlarnıñ aqlarınıñ bozuluvıdır».

Sentâbr 14 künü tanılmağan Qırım cumhuriyetinde Rusiye tarafından işğal etilgen yarımadada akimiyet organlarına «saylavlar» keçirilecek.

XS
SM
MD
LG