Link açıqlığı

Çubarov: Qırımdan 20 biñ insan köçti, olardan 8 biñi – qırımtatarlardır


İşğal etilgen Qırımdan tahminen 20 biñ insan çıqtı, olardan 8 biñ – qırımtatarları.

Bunı YES konferentsiyası devamında Meclis reisi Refat Çubarov bildirdi, dep haber ete Ukrainskaya pravda.

Onıñ sözlerine köre, çıqqan insanlar aqqında tam bir malümat şimdi yoqtır.

«Qırımdan 17-20 biñ çeşit millet vekili çıqqanı aqqında ayta bilemiz, olardan 7-8 biñ qırımtatarlardır», – dedi Çubarov.

O şunı da bildirdi ki, qırımtatarlar Qırımğa qaytmağa niyetindeler ve bunı amelge keçirmek içün akimiyetten malüm bir qararlarnı bekleyler.

«Men bugün Lvovdan qayttım, mında Qırımdan çıqqan qırımtatar ve rus toplulıqları bardır. Biz olarnıñ esas meseleleriniñ çezüv yollarını tüşündik, amma olar episi Qırımğa qaytmağa niyet eteler. Şunıñ içün malüm qararlarnı beklemekteler», – dedi o.

Evel Çubarov qayd etti ki, Qırım işğaliniñ esas sebeplerinden biri – yerli akimiyet vekâletleriniñ küçsüzligi.

XS
SM
MD
LG