Vernadskiy adına Tavriya milliy universitetinde ukrain filologiya fakultetini yoq ettiler.
Üç kafedranı (ukrain tiliniñ medeniyeti, ukrain tilşınaslığı, ukrain edebiyatınıñ nazariye ve tarihı birleştirip, dekan Galina Bogdanoviç başlığında slavân filologiya ve jurnalistika fakultetine qoştılar, dep haber ete 15 minut.
Ukrain filologiya kafedranıñ başı ukrain edebiyatınıñ nazariye ve tarihı kafedrasınıñ sabıq reberi, filologiya ilimler namzeti, professor Viktor Gümenük oldı.
Fakultetniñ sabıq dekanı Yuriy Pradidniñ taqdiri aqqında bir şey belli degil. Fakultetniñ ocalarından çoqusı işten boşatıldı, studentlerniñ sayısı da azlaştı, olardan bir qısmı Ukrainanıñ diger aliy oquv yurtlarına keçti, dep yaza neşir.
Birinci kurs studentlerniñ sayısı bu sene tahminen otuz insannı teşkil ete – evel olğanına köre, olarnıñ sayısı eki qat azlaştı. Qalğan studentler TMU yañı korpusında oqumağa devam eteler, amma fakultet binasından ukrain tilinde yazılğan leyhaçıqnı yañı oquv yılnıñ başında aldılar.
Qırım.Aqiqat bergen malümatına köre, Aqmescitte Tavriya milliy universitetiniñ qırımtatar edebiyatı kafedrası endi qapatıldı.
