Link açıqlığı

Cemilev: «spiker»ge Ukraina gimnini icra etken qırımlı studentler qıdırılğanı aqqında bildirdi


Qırımtatar halqınıñ yetekçisi Mustafa Cemilev Qırım akimiyeti Ukraina gimnini icra etken Qırım müendislik-pedagogik universitetiniñ studentlerini mesülietke çekecegi aqqında bildirdi.

Bunı Cemilev Kiyevde keçirilgen matbuat konferentsiyası devamında bildirdi, dep haber ete RBK-Ukraina.

«Spiker Vladimir Konstantinov universitetke kelgende, onı «Şçe ne vmerla Ukraina» gimni ile qarşıladılar. Şimdi pek ciddiy taqiqat keçirile, balalarnı qıdıralar»,– dedi Cemilev.

O, studentler cezalana bileceginden qorqa.

Şimdi bu video YouTube ağından silindi.

Qırım.Aqiqat bergen malümatına köre, işğal etilgen Qırımda «spiker» Vladimir Konstantinovnı Qırım müendislik-pedagogik universitetiniñ studentleri Ukraina gimni ile qarşıladılar.

XS
SM
MD
LG