Link açıqlığı

İşğal etilgen Qırımda yarımadanıñ baş avto yolunı Ukraina devlet bayrağı tüsine boyaladılar. Böyleliknen art-gizlilik özüni tanıttı, dep bildirdi Odessa vilâyet şurasınıñ reisi Оleksiy Gonçarenko.

Qırımda art-gizlilikniñ faaliyeti aqqında Gonçarenko öz Facebook saifesinde bildirdi.

«Qırımda Ukraina tarafını tutqan art gizlilikniñ faaliyeti aqqında ilân etem. Sahte-saylavlarnıñ arfesinde biz ilk numayışımıznı keçirdik. Qırımnıñ baş yolu sarı-mavı tüstedir. İşğalcilerniñ ayaqları astında topraq sarı-mavı ateş ile alevlenecek. Qırım Ukrainanıñ edi, bar ve bar olacaq!»,– dedi Goçarenko.

Оleksiy Gonçarenko aşkâr etken videoyazıda insanlarnıñ yolğa mavı ve sarı boyanıñ tökkenleri körüne. Bundan soñ köpçekleri ile boyağa kirgen maşinalar bütün yolnu sarı-mavı tüske boyalaylar.

Odessa vilâyet şurasınıñ reisi Qırımda bu kibi numayışlarğa bir qaç kere teşebbüs kösterdi.

Oleksiy Gonçarenko avgust 23 künü Ukraina devlet Bayrağı Kününde Qırımnıñ Ay-Petri dağında Ukraina bayrağını yerleştirdi.

XS
SM
MD
LG