Link açıqlığı

Aksönov Qırımda «iç bir qavmiy kvaziparlament» olmaycağı aqqında bildirdi


Qırım içün Taratistan ve Şimaliy Kavkaz cumhuriyetleriniñ tecribesi faydalı olacaq. Mında saylav tertibatı ve uquq çıqarıcı akimiyetiniñ organları yuqarı vazifelerge çeşit qavimlerniñ vekillerini namzet olaraq köstermege imkân bere.

Bunı Qırımnıñ öz başına tayin etilgen baş naziri Sergey Aksönov «Birlikte abadanlıq» degen maqalesinde yazdı. Onı bugün «Rossiyskaya gazeta» aşkâr etti, dep haber ete Qırımnıñ öz başına tayin etilgen ükümetiniñ «ruporı» «Krıminform» saytı.

Aksönovnıñ fikrince, «Qırımda iç bir kvaziparlament olmamalı: tatar, rus, ukrain, çünki böyleliknen toplulıq bölüne bile».

«Amma, ebet, er bir milletniñ kendi idare organlarınıñ olması mümkün, olarnıñ tertibatı ise Rusiye qanunlarına uymalı. Mında şusı müimdir ki, böyle alda medeniyetara dialognıñ inkişafına, tolerantlıq ve sabırnıñ inkişafına hızmet etecek mahsus leyhalarnıñ olması kerek»,– dey o.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG