Link açıqlığı

İşğal etilgen Aqmescitte, Kezlev yolu rayonında, sentâbr 12 künü isarda balalarnıñ çezgen resimleri peyda oldı.

Qırım.Aqiqat mühbiriniñ malümatına köre, tahminen 450 bala evelden Ukraina ile bağlı resimler yapılğan uzun isarnıñ yanında toplandı. Balalar mında çeşit resimlerni yaptı, olarnıñ arasında – ayuvlar, Moskva Kremli ve Rusiye bayrağı.

«Balalarnıñ añında Vatan sevgisi. Rusiyege sevgi ile» numayışında Aqmescitniñ tasviriy mektebi ve oquv yurtınıñ, em de Aqmescitniñ umumtasil mektepleriniñ talebeleri iştirak etti.

Aktsiya teşkilâtçılarınıñ adları belgisiz qaldı. Balalarnı kim topladı ve boyanı kim aldı degen suallerge «siyasiy firqa olmağanını» cevap olaraq ayttılar.

İşbu bir kilometr uzunlığında isar Aqmescit ava limanı yanında yerleşe, şunıñ içün oña tek yerli sakinler degil de, kelgenler de diqqat ete.

XS
SM
MD
LG