İşğal etilgen Qırımğa 2014 senesiniñ küz mevsiminde ve 2015 senesiniñ birinci çeriginde raatlıq ve tedaviylevge Rusiyeden tahminen 79 biñ insan kelecek.
Bunı Qırımnıñ öz başına tayin etilgen akimiyetine yaqın olğan Krıminform saytına Qırım ükümetiniñ reis muavini Yevgeniya Bavıkina bildirdi.
«Esasen pensioner ve saqatlar olacaq», dedi o ve şimdi Qırımnıñ şifahanelerine raatlıqnı azırlamaq vazife berilgenini qayd etti.
«Rusiyeliler qışta faal raatlanalar, yılbaş tatilleri vaqtında, Qırım ise qış raatlanuv ve tedaviylev içün pek kelişe», dedi Bavıkina.
Rusiye vatandaşlarınıñ tedaviylenüvine işğal etilgen Qırım ve Aqyar şifahanelerine 2,3 mlrd rub ayırıldı, dep bildire neşir.
.
