Sentâbr 12 künü Keriç keçitinde saat 15:00 (Moskva vaqtı boyunca) nevbetler ep saqlanmaqta, Qırım tarafından maşinalarnıñ sayısı eñ büyüktir. Paromnıñ beklev vaqtı – 15 saat.
Bunı Yekâne naqliyat müdirliginiñ matbuat hızmeti bildire.
«Al-azırda Keriç keçitinde vaziyet deñişmey, 6 parom yürmekte. «Qırım» limanında maşinalarnıñ aqımı azlaşmay, beklev vaqtı 14-15 saatqa yete», – qayd eteler müdirlikte.
Nevbetçiniñ malümatına köre, «Kavkaz» limanında 70 maşina, «Qırım» limanında – 950 maşina nevbetni bekley.
Saba, setâbr 12-de, «Kavkaz» limanında nevbette 30 maşina, «Qırım» limanında – 1130 maşina tura edi.
