Qırım işğali aqqında sual Avropa siyaseti diqqatınıñ merkezindedir, bunı Kiyevde cumaaqşamı künü YES körüşüvini açqanda, Avropa birliginiñ Avropa siyaseti ve kenişlev sualleri boyunca Komissarı Ştefan Füle bildirdi.
«Qırım aqqında unutmadıq, halqara uquq pekitilmegence, o daima siyasetimizniñ nazarı altında olacaq», – dedi o.
«Rusiyege, еger de biz bölünmeyip, Avropa qıtasında çalışacaq olsaq, ürmetni kene de qazanmağa mümkün olğanını añlatmalımız», – dedi Füle.
Cumaaqşamı, sentâbr 11-de, adet üzre Yaltanıñ Livadiya sarayında keçirilgen YES forumı Kiyevde başlandı. Qırımnıñ işğali sebebinden forumnı Ukraina paytahtına keçirdiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
