İşğal etilgen Qırımda sentâbr 14 kününe belgilengen «Devlet şurası» ve yerli şuralarğa saylavlarda 1,9% ya da tahminen 16,6 biñ insan evelden rey berdi.
Bunı Aqmescitte matbuat konferentsiyası devamında Saylav komissiya reisi Mihail Malışev bildirdi.
«Saylavlar aman-aman başlandı, sentâbr 3-den devam ete. Qırımda evelden rey berüv degen şey yañılıqtır, başta öyle ameliyat yoq edi», – dedi Malışev.
Yaqında Malışev evelden rey bergen insanlarnıñ arasında qırımtatarlarnıñ sayısı çoq olğanı aqqında ayta edi, faqat Mecliste bu malümatnı külünçli olaraq tanıdılar. Bunı aqiqaten yapqanlarnıñ sayısı ise o qadar büyük degildir.
Umumen, Malışevniñ malümatına köre, Qırımda 27 territorial saylav bölügi, 1204 saylav komissiyası, olardan 1162 – adiy bölükler, 42 – saylayıcılarnıñ vaqtınca bulunğan yerlerindeki bölükler teşkil etildi.
