Link açıqlığı

Saatnıñ esas haberi

Poroşenko: Qırımnı cenk vastası ile degil de, barışıq yollarnen qaytarırmız


Ukraina Qırımnı qaytarır, amma cenk ile degil de, barışıq vastasınen, dedi Ukraina prezidenti Petro Poroşenko sentâbr 12 künü Kiyevde YES körüşüvi devamında.

«Qırımnı coyğanımız aqqında çoq insan ayta. Bu silâlı istilâ edi. Amma Qırım – Ukrainanıñ qısmıdır, biz onı qaytarırmız. Cenk vastası ile degil de, barışıqnen. Biz deñişemiz, daa da quvetli olurmız. Bundan da ğayrı, Avropa toplulığınıñ destegi de ğayet emiyetlidir»,– dedi Ukraina prezidenti.

O şunı da qayd etti ki, ileride YES körüşüvleri adet üzre Yaltada keçirilecek.

Cumaaqşamı, sentâbr 11-de, adet üzre Yaltanıñ Livadiya sarayında keçirilgen YES forumı Kiyevde başlandı. Qırımnıñ işğali sebebinden forumnı Ukraina paytahtına keçirdiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG