Rusiye Avropa Birligi tarafından belgilengen yañı cezalarğa cevap areketlerini azırladı, – dep bildirdi Rusiye prezidentiniñ yardımcısı Andrey Belousov. Böylece, Rusiye maşinalar italâtı ve bazı urba ketirilmesini yasaq ete bile, – dep yaza UNİAN.
Prezidentniñ yardımcısı qayd etti ki, olarnıñ ümütleri bar ki, cevap cezalarınıñ aceti olmaycaq. Belousov Rusiye akimiyeti cezalanğan şirketlerge yardım etecegini tasdıqladı. Onıñ aytqanına köre, yardım şekilleri azırlanıla.
Brüsseldeki qaynaqlarnıñ malümatına köre, Avropa Birligi Rusiyege qarşı yañı cezalarnı qabul etti. Olar cuma künü, sentâbr 12-de, Avropa Birliginiñ resmiy mecmuasında derc etilgen soñ, işke tüşürilecek. Soñunda Avropa şurasınıñ reisi Herman Van Rompeyniñ beyanatı derc etildi.
Moskvağa qarşı yañı cezalar Rusiyede büyük dünya energetik şirketleriniñ cermay işlep çıqarılmasına tesir ete bile.
Financial Times ve The Wall Street Journal gazetalarınıñ malmüatına köre, cezalar «Rosneft», «Gazprom neft», «Transneft», «Oboronprom», Birleşken uçaq qurucı teşkilât ve «Uralvagonzavod» şirketlerine tesir etecek.
Ğarpnıñ eski cezalarına Rusiye meyva, sebze, et ve diger aşayt mahsulatını yasaq etip, cevap berdi. Bunıñ sebebinde fiyatlar arttı.
