Link açıqlığı

Sentâbr 12-de Rusiyege qarşı yañı cezalarnı kirsetecekler


Avropa Birliginiñ memleket-azaları cumaaqşamı künü, sentâbr 11-de, Rusiyege qarşı kirsetilecek yañı cezalar aqqında añlaştılar.

Bunı diplomatik saflarından qaynaqlar bildire, – dep haber ete UNİAN. Donbassta ateş toqtatılğan soñ, yañı cezalar Avropa memleketler sert davalarınıñ mevzusı oldı.

İqtisadiy cezalar cuma künü, sentâbr 12-de, işke tüşürilecek, dep bildireler qaynaqlar. Birazdan Avropa Birliginiñ prezidenti Herman Van Rompeyniñ beyanatı olmaq kerek.

Bloomberg subetdeşleriniñ qayd etkenine köre, Avropa Birliginiñ bazı memleketleri cezalar quvetleştirilse, Kreml Ukraina cenüp-şarqında barışıq rejimini boza bile, dep qorqalar.

«Bundan sebep Avropa Birligi Rusiyege cezalarğa oğramamağa yardım etecek şartlarnı aydınlatmağa istey», – aytıla beyanatta.

Sentâbrniñ 11-de Ukrainada Ukraina mustaqilligi, onıñ topraq bütünligi, ukrain vatandaşlarınıñ aqları ve azatlığına zarar ketire bilecek çetel devletleri, şirket ve terroristlerniñ vatandaş-ortaqlarına qarşı cezalar kirsetilmesi aqqında qanun işke tüşürildi.

XS
SM
MD
LG