Link açıqlığı

İsmail Gasprinskiy hatırasına ilmiy oquvlarnı onıñ qabiri yanında dua ile başlaycaqlar


Sentâbr 23-25 künleri İsmail Gasprinskiy hatırasına II Bağçasaray ilmiy oquvlar ötkerilecek. Tedbir İ.Gasprinskiy müzeyinde keçirilecek. Köntserentsiyanıñ birinci künü qırımtatar erbabınıñ qabiri yanında dua oquycaqlar.

Bunı Qırım musulmanları Diniy idaresiniñ matbuat hızmeti yaza.

Eki künlik oquvlar çerçivesinde aşağıdaki mevzular boyunca maruzalar olacaq: «Qazan tatarlarnıñ er künlik yaşayışında İsmail Gasprinskiyniñ sıması» (XIX asırnıñ soñu – XX asırnıñ başı)», «XIX asırnıñ soñu – XX asırnıñ başında Edil boyu ve Ural civarındaki tatarlarnıñ cemaat areketinde İsmail Gasprinskiyniñ rolü», «İsmail Gasprinskiyniñ maqalelerinde mizah ve icviye («Ha-Ha-Ha» gazetası esasında)», «İ.Gasprinskiyniñ «Terciman» gazetası saifelerinde qırımtatarlarnıñ tasil islâatlarınıñ problemleri», «XX asır başında Astrahan musulmanlarında yañı usul mektebiniñ tiklenmesi ve inkişafına İsmail Gasprinskiy ğayeleriniñ köstergen tesiri» ve diger mevzular.

İşbu tedbirge Rusiye Federatsiyası ve Qırımnıñ devlet akimiyet organları, medeniyet saaları, ilim vekilleri, Bağçasaray yerli idare organlarınıñ temsilcileri kelecekler. Rusiye Federatsiyası ve Ukrainanıñ çeşit şeerlerinden tedqiqçiler çıqışları olacaq.

İsmail Gasprinskiy – qırımtatar maarifçisi, yazıcı, oca, medeniy ve cemaat-siyasiy erbap. O, qırımtatarlar arasında zemaneviy ğayelerni tarqatqan edi.

XS
SM
MD
LG