Rusiye prezidenti Vladimir Putin işğal etilgen Qırımda çalışqan Rusiye Taqiq komiteti bölükleriniñ yolbaşçılarını tayin etti.
Mütenasip ferman Rusiye devletiniñ yolbaşçısı tarafından endi imzalandı.
«Adliye general-leytenantı Moroz Yuriy Petroviçni Aqyar şeeri boyunca Qırımdaki Rusiye Federatsiyasınıñ Taqiq komitetiniñ Taqiq bölüginiñ yolbaşçı vazifesine tayinlemek, onı şimdiki vaqıtta eda etken vazifesinden boşatmaq; adliye general-leytenantı Nazarov Mihail Anatolyeviçni Qırım Cumhuriyeti boyunca Rusiye Federatsiyasınıñ Taqiq komitetiniñ Baş Taqiq bölüginiñ yolbaşçı vazifesine tayinlemek, onı şimdiki vaqıtta eda etken vazifesinden boşatmaq», – dep bildirile fermanda.
Yolbaşçılar 5 senelik müddetke tayinlendi.
Evel Nazarov ve Moroz işbu müessiselerniñ vazifelerini eda etken ediler.
