Eger de qırımtatarlar sentâbr 14-ne tayinlengen saylavlarğa barıp rey berseler, olarnıñ meseleleri daa effektiv şekilde çezilecektir.
Bu aqta özüni Qırım baş naziri olaraq ilân etken Sergey Aksönov Qırım «ükümetiniñ» resmiy Feysbuk saifesinde yerleştirilgen saylavaldı muracaatında bildirdi.
«Qırımtatarlarğa ayırıca muracaat etmege isteyim. Siyasetçilerniñ bazıları öz maqsatlarına irişmek içün sizni saylavaldı kampaniyasında iştirak etmemege çağıralar. Saylavlarnı körmemezlikke urmaq qırımtatarlarnıñ suniy ayırıluvıdır.
Ükümet organlarında temsilcileriñiz milliy meselelerni daa effektiv şekilde çezmege yardım etecektirler», – dep bildirdi Aksönov.
