Link açıqlığı

Yarımadada qırımtatar istihbaratçısı (razvedkacı) abidesini tiklemek içün yer qıdıralar


Qırımda Ayırı Deñiz ordusınıñ belli qırımtatar razvedkacısı Alime Abdennanovağa bağışlanğan abide peyda olacaqtır.

Bu aqta Qırımdaki Rusiye prezidentiniñ vekâletli temsilcisi Оleg Belaventsev bildirdi.

«Ulu Ğalebeniñ 70 yıllığına Sovet Birligi qaramanı, razvedkacısına bağışlanğan abide tiklenilecek», - dep bildirdi Belaventsev.

Abide qoyulacaq yer daa belgilenmedi, amma Belaventsevniñ qayd etkenine köre, «bu alâmetli bir yer olacaqtır».

Alime Abdennanova Ayırı Deñiz ordusınıñ istihbarat (razvedka) gruppasınıñ razvedkacı-rezidenti yedi. O, cesaretlik içün Qırmızı Sancaq nişanı ile taqdirlendi.

19 yaşında olıp, Alime Abdennanova Eski Qırımda gestapoda azaplardan keçti, soñra ise onı öldürdiler.

XS
SM
MD
LG