İşğal etilgen Keriçte sentâbr 10 künü Küçük-Kaynarca barışıq añlaşması qabul etilüviniñ 240 yıllığına ve 2014 senesi mart 18 künü Rusiye ve Qırım arasında Moskva añlaşmasınıñ imzalanuvına bağışlanğan harita tahtası açıldı.
Küçük Kaynarca añlaşmasına köre, şarqiy Qırımnıñ topraqları Rusiye padişaqlığına keçti.
Keriç şeer şurasınıñ matbuat hızmeti bergen malümatına köre, Keriçniñ şeer başı vazifelerini eda etken Roman Romanov işbu vaqialarnı qıyaslap, olarnıñ tarihiy müimligini qayd etti.
«İşbu harita tahtası bizge Rusiyeniñ serbestligine qoşulmaq içün yolumız ne qadar uzun ve qıyın olğanını hatırlatacaq. Biz er vaqıt bunı aqlımızda tutacaqmız. Bizni Rusiye ile qaviy munasebetlerimiz bağlay», – dedi Romanov.
Şeer akimiyetiniñ fikrince, harita tahtası bu vaqialar aqqında bir hatıranı saqlar.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
