Link açıqlığı

Sıñırcılar Qurultaynıñ teftiş komissiyası reisine Qırımnı terk etmege bermediler


Qurultaynıñ teftiş komissiyası reisi Ali Ozenbaş

Qırımtatar areketiniñ Qırımda belli iştirakçisi, Qurultaynıñ teftiş komissiyası reisi Ali Ozenbaşnı sentâbr 10 künü işğal etilgen Qırımdan çıqarmadılar.

Qırım.Aqiqat saytına Ali Ozenbaş añlatqanı kibi, onı trenden tüşürip, nasıldır kamerada qapattılar. Bunıñ ile sıñır bekçileri özlerini pek qaba alıp bara edi. Onı trenden tüşürmege iç bir sebep yoq edi, bunı sıñır bekçileri özleri bildirdiler.

«Avladam, KPZni añdıra. Kerçek bir kameraları yoq, demek. Bir elimi pek ağırttılar. Meni açuvlatmağa tırışalar. Sual qoyalar, olarğa cevap bergende, maña: «Qıçırmañız» dep aytalar. Men qasevet etem, ebet, amma olarğa qıçırmayım. Mennen ne etmege bilmeyler eken, barıp bir kimseden soracaqlar», – dep añlattı Qırım.Aqiqatqa Ali Ozenbaş.

Qurultaynıñ teftiş komissiyası reisniñ sözlerine köre, o Lvovğa kete edi, anda qırımtatar halqınıñ yetekçisi Mustafa Cemilev ve halq deputatı Refat Çubarov ile körüşmek kerek edi.

Bu vaqiadan soñ, Ali Özenbaşnıñ qolu pek ağıra, özüni yaramay duya.

XS
SM
MD
LG