İşğal etilgen Qırımnıñ bir sıra şirketlerniñ memuriyeti saylavlarda iştirak etmege istemegen hadimlerini cinaiy mesüliet ile qorquzdıra. Bunı Qırım.Aqiqat saytına «Almenda» vatandaş maarifi merkeziniñ başı Оlga Skripnik bildirdi.
Ekspert şunı qayd etti ki, Rusiye qanunlarına binayen saylav – mecburiyet degil, aqtır. İnsanlarda saylavlarğa barmamaq aqqı bar.
«Temiz yalandır. Çünki atta Rusiye qanunlarına köre saylavlar – mecburiyet degil, aqtır. İnsanlarnıñ saylavlarğa barmamağa aqları bar. Vatandaşlarnı qorquzmağa tırışalar, olarnıñ iştirak etmemesi – saylavlarğa «keder etüv» kibi tanılacaq eken. Kene de yalan. Saylavlarğa keder etüv – muayyen arekettir, yani bu al – komissiya azalarınıñ işine keder etmekni nazarda tuta, misal içün saylav bölügininñ zapt etüvi, urnalarnıñ hırsızlanuvı, komissiya azalarına nisbeten zorbalıqnıñ qullanuvı ve ilâhre», – dedi Skripnik.
Kelecek saylavlar uquqiy nazardan bir saçmalıqtır, – dep bildire o. Şunıñ içün sentâbr 14 künü keçirilecek saylavlar aqqında ne aytmağa mümkün?», – dedi Skripnik.
Onıñ sözlerine köre, işğalci akimiyet cinaiydir, şunıñ içün saylavlarnı da şu cinaiy usullar boyunca keçirmege tırışa.
