Mart ayında Qırımda yaqalanğan ukrain rejissöri Oleg Sentsov ve uçucı Nadejda Savçenko Minsk añlaşmaları çerçivesinde belgilengen esil alınğan adamlarnı almaştıruv cedvelinde barlar.
Bunı Ukraina havfsızlıq hızmetiniñ yolbaşçısı Valentin Nalivayçenko nazirler şurasınıñ toplaşuvı ögüne ayttı.
«Sentsov, Savçenko, Nikolay Karpük, bütün bizim vatandaşlarımız. Olar esir alınğan ve qanunsız alda tutılğan ve taqip etilgenlernen beraber Ukraina vatandaşlarınıñ cedvelinde barlar», -- dedi Nalivayçenko.
Ukraina prezidenti Petro Poroşenko bildirdi ki, Ukraina şarqında sentâbr 6-dan itibaren ateş toqtatmaq añlaşmaları esasında esirlerni de almaştırıp başlaycaqlar.
Lâkin, ukrain rejissöri Oleg Sentsovnıñ tatası Natalya Kaplan kütleviy haber vastalarına bergen malümatına köre, onıñ qardaşı almaşuv cedvelinde yoq.
Oleg Sentsov 2014 senesi mayıs 11-de Qırımda Rusiye uquq qoruyıcı organlar tarafından yaqalandı. Onı teraktrlar azırlamasında qabaatlaycaq olalar. Avgust 8-de Moskva it’h mahkemesi Sentsovnı apste tutuv apellâtsiyasını red etti.
Sentsovnıñ bir çoq zenaatdaşı ve uquq qorçalayıcıları onı «siyasiy mahbüs» olaraq tanıp, onı azat etmege rica eteler. Olarnıñ fikirince, qabaatlar uydurılğan, rejissörni ise onıñ noqtaiy-nazarı içün yaqaladılar.
