Link açıqlığı

Qırım Müftiyatı: Qırım akimiyeti musulmanlarnıñ aqları bozulmamaq kerek degen fikirge qol tuta


İşğal etilgen Qırım akimiyeti musulmanlarnıñ evlerinde ve medreselerde keçirilgen tintüvler müminlerniñ aqlarını sert bir şekilde bozdı degen fikirnen razı oldı.

Bunı Qırım musulmanları Diniy idaresiniñ matbuat hızmeti bildire.

Müftiyatnıñ qayd etkenine köre, din kütkenlerniñ aqları bozuldı degen fikirni Qırımnıñ öz başına ilân etilgen baş naziri Sergey Aksönov Qırım musulmanları Diniy idaresiniñ vekilleri ile körüşüvinde bildirdi.

Qırım müftisiniñ aytqanına köre, Qırım musulmanları Diniy idaresi er daim dialog qurmağa azır, lâkin musulmanlar aqlarınıñ bozuluvına iç bir vaqıt yol bermez.

Qırım.Aqiqat bergen malümatqa binaen, soñki bir qaç afta devamında yarımadada qırımtatar qorantalarınıñ evlerinde tintüvler sıq-sıq ötkerilip başladı. Kütleviy tintüvler Seyitler rayonında olıp keçti.

Sentâbrniñ 9-da Bağçasaraydaki Büyük Süyren (Tankovoye) köyünde yerleşken «Qırımnıñ istidatlı balalar içün gimnaziya-internatına» tintüvnen keldiler. Oquv yurt hadimleriniñ aytqanına köre, kelgenler doğrudan gimnaziya kütüphanesine yol alıp, anda yasaq etilgen edebiyat cedvelindeki üç kitapnı taptılar. Tintüv neticelerine köre, memuriy protokol tizildi.

Sentâbrniñ 8-de ise Qırım faali ve bloger Yelizaveta Bogutskayanıñ evinde de tintüv keçirildi.

Avgust 13-te Aqmescitniñ üç musulman oquv yurtında tintüv keçirilgen edi.

XS
SM
MD
LG