Link açıqlığı

Sorğu ve tintüv Ukrainağa qol tutqan faal Bogutskayanı Qırımnı terk etmege mecbur ettiler


Qırım faali ve bloger Yelizaveta Bogutskaya

Belli Qırım faali, bloger, Ukrainağa qol tutqanınen belli Yelizaveta Bogutskaya işğal etilgen Qırımnı terk etti.

«Tsentr jurnalistskih rassledovaniy» bildire ki, Bogutskaya özü ketti ve bu vaqtınca olğanına ümüt ete.

«Şimdilik men vaqtınca ketem. Soñra baqarıq, ne qadar anda olacam. Men gece kettim. Saba kene kelip, bir de bir imzalar kerek dep, köpegime ateş açmaları mümkün olğanını tüşündim. Maña köre, azatlıqta maqale yazmaq, apshanede bir şey yazmamaqtan daa güzel. Men bir özüm. Aqayım ve balalarım Aqmescitte qaldılar. Olarğa basqı yapacaqlar, dep tüşünmeyim. Menim qorantamnı sıqıştırsalar, bu pek açıq olacaqtır», – dep ayttı Yelizaveta Bogutskaya.

Sentâbrniñ 8-de saba Qırım faali ve bloger Yelizaveta Bogutskayanıñ evine arbiyler kelip, tintüv keçirip başladılar. Qırım.Aqiqat saytına faalniñ aqayı bergen malümatqa köre, evlerine arbiyler silâlılarnen beraber keldiler. Narkotik, yasaq etilgen edebiyat, silâ qıdırğan ekenler.

Tintüv sebebi Yelizavetanıñ mayıs ayında Ermeni Bazarda qırımtatarlarnıñ lideri Mustafa Cemilevni qarşılav tedbirinde iştiragi oldı.

Tintüvden soñ arbiyler bilgisayarlarnı alıp kettiler, Yelizavetanı ise rayon bölügine ketirdiler.

Rayon bölügine onıñ adliyecisi kelgen soñ, Yelizaveta Bogutskayanı azat ettiler.

Yelizaveta Bogutskaya Liza Bogutski tahallüsini qullanıp, içtimaiy ağlarda ve farqlı neşirlerde, şu cümleden Qırım.Aqiqat saytında, Qırım işğaline qarşı maqalelerni bastıra edi.

XS
SM
MD
LG