Link açıqlığı

Ukraina şarqında ateş toqtatılğan soñ separatistler esir alğan 648 ukrain arbiyi azat etildi.

Milliy havfsızlıq ve mudafaa şurasınıñ vekili Andriy Lısenkonıñ malümatına köre, 500 asker esir olıp qala.

Özüni Donetsk halq cumhuriyeti olaraq tanıtqanlar bildirdiler ki, salı künü 36-ğa 36 shema boyunca esirlerni almaştıracaqlar. Umumen 300 separatist azat etilmek kerek, dep haber etti Ukraina havfsızlıq Hızmetiniñ vekili Vasıl Vovk.

Donbasstaki mahsus tedbirler devamında 723 ukrain arbiyi elâk oldı, dep bildirdi Ukraina Silâlı Quvetleri grajdanlıq-arbiy emekdaşlıq reberi Oleksiy Nozdraçev. RNBO malümatına köre, elâk olğan askerlerniñ sayısı 900 kişini teşkil ete.

Birleşken milletler teşkilâtınıñ insan aqları boyunca bölük reberi Zeid Raad al-Husseyn bildirgenine köre, Ukraina şarqındaki zıddiyet devamında tahminen üç biñ kişi elâk oldı.

Sentâbr 5-te Minskte Ukraina-OSCE-Rusiye üç taraflı kontakt gruppası Ukraina şarqında ateş toqtatılması aqqında vesiqanı imzaladı. Oña köre, esir alınğanlarnı almaştırmaq, gumanitar yardım köstermek, sıñırda ateş toqtatılmasını nezaret etmek kerekler.

XS
SM
MD
LG