Felemenk havfsızlıq keñeşi 2014 senesi iyül 17-de Ukrainanıñ Donetsk vilâyetinde Malaysia Airlines MH17 şirketiniñ uçaq felâketi aqqında taqiqat komissiyasınıñ birinci esabatını aydınlattı. Ekspertlerniñ zanınca, uçaqqa «tıştan» bir de bir obyekt tüşti, lâkin raketa çeşiti aytılmay, dep haber ete Azatlıq Radiosı.
Taqiqatnı alıp barğan Felemenk havfsızlıq keñeşi öz saytında şunı qayd ete ki, devam etken taqiqatnıñ yalıñız «ilk neticeleri» aqqında laf kete. Talil ve uçaqnıñ parçalarğa bölünmesi aqqında malümat olacaq netice esabatı kelecek yazda azır olacaqtır.
Bugünki haberden üç kün ögüne Malayziya baş naziri Nacib Razak taqiqat neticelerini «bayağı işançlı» dep adladı.
