Rusiye ükümeti Ukrainadan mecburen köçip kelgen insanlarnıñ içtimaiy-turmuş yerleştirilüvine aman-aman 250 million ruble ayırmağa avale etti.
Bu aqqında Rusiye ükümetiniñ saytında derc etilgen buyruqta aytıla.
Vesiqada aytıla ki, «Qırım Cumhuriyetine 248,8 million ruble miqdarında bücetara transfert berile».
Ükümet saytında berilgen malümatqa köre, qabul etilgen qarar Ukrainanı mecburen terk etken adamlarnıñ 2014 senesi vaqtınca içtimaiy-turmuş yerleştirilmesini maliye etmege imkân berecek.
Rusiye akimiyetiniñ malümatına köre, umumen Rusiye Ukrainadan köçip kelgen 730 biñ insannı qabul etti, olardan 7 biñ kişi vaqtınca Qırımda yerleşti.
