Link açıqlığı

Aksönov Qırımdaki federal aliy oquv yurtunıñ rektorı vazifesinde öz muavinini körmege istey


İşğal etilgen Qırım akimiyeti meydanğa ketirilecek V.İ.Vernadskiy adına federal universitetniñ rektorı vazifesine «baş nazir muavini» Sergey Doniçniñ namzetini teklif etti, dep haber ete RİA Novosti agentligi.

«Men Rusiye ükümetiniñ reisi adına muracaatta Doniçni qayd ettim. O, aftanıñ soñuna qadar federal universitet terkibine kirecek aliy oquv yurtlarınıñ studentleri ve ocalarınen körüşmek kerek», – dep ayttı öz başına ilân etilgen baş naziri Sergey Aksönov.

Onıñ bildirgenine köre, rektornı tayinlev meselesini Rusiye ükümeti çezecek.

Aksönovnıñ aytqanına köre, Qırım federal universitetiniñ inkişafına federal programma çerçivesinde cumhuriyet Rusiye bücetinden 5 milliard ruble ayırılacağını bekley.

Rusiye ükümeti avgust ayında V.İ.Vernadskiy adına Qırım federal universitetini meydanğa ketirmege avale etti. Universitet yedi aliy oquv yurtı ve yedi ilmiy teşkilât esasında açılacaqtır.

XS
SM
MD
LG