«Novaya poçta» şirketi sentâbr 8-den itibaren Qırımdan ve Qırımğa yollanmalarnı qabul etmey.
Qırım.Aqiqat mühbirine şirkette bergen malümatlarına köre, yaramadağa ketken yollanmalar keri qaytarıldı, çünki olarnı qıtaiy Ukraina ile sıñırda keçirmeyler.
«Bu ne qadar vaqıt devamında olacaq, bilmeyik. Bugün saba Ukrainağa yük yollağan adamlarğa telefon etip, onı kelip almağa rica ettik», – dep bildirdiler «Novaya poçta» şirketiniñ Qırım bölüklerinden birinde.
«İntaym» şirketi Qırımğa yollanmalarnı sıñırlasa da, qabul ete. Rusiyege qarşı ceza kirsetken memleket mahsulatnı işlep çıqarğan olsa, onı yasaq eteler.
Şirket vekili bildirdi ki, Qırımğa yollanılğan er bir malnıñ çeki ve keyfiyet sertifikatı, em de gümrükhane vesiqaları olmaq kerek. Bundan ğayrı, şirketke yollayıcınıñ pasport kserokopiyasını bermek kerek.
