Link açıqlığı

Saatnıñ esas haberi

Aksönov: Ukraina Devlet sıñır hızmetiniñ yañı qaideleri – Qırımnıñ rusiyeli olaraq tanılmasına bir adımdır


Ukraina Devlet hızmetiniñ sıñırdan yalıñız pasport boyunca keçirmek qararı – Qırımnı Rusiye Federatsiyasınıñ subyekti olaraq tanımaq içün atılğan bir adım, dep tüşüne Qırımnıñ öz başına ilân etilgen baş naziri Sergey Aksönov.

Bunı o sentâbrniñ 8-de jurnalistlerge bildirdi.

«Bunıñ kibi adımlar sıq-sıq olsa, demek, bizler doğru bir yolnen ketemiz», – dedi Aksönov.

O, emin ki, Ukraina akimiyeti Qırımnı Rusiye subyekti olaraq ne qadar tez tanısa, olarğa o qadar elverişli olacaqtır.

Ukraina Devlet hızmetinde bergen malümatlarğa köre, sentâbrniñ 8-den itibaren Ukrainanıñ vaqtınca işğal etilgen territoriyasına kirmek içün şahsiyetini ve Ukraina vatandaşlığını tasdıqlağan vesiqa olmaq kerek.

16 yaşını toldurmağan balalar Ukraina vatandaşı pasportlarınen ketmek kerekler. Bundan evel doğuv şeadetnamesi ya da balanıñ yol vesiqası yeterli edi.

XS
SM
MD
LG