Link açıqlığı

Qırımlı teşebbüsçi, bloger Yelizaveta Bogutskayanıñ evinde tintüv keçirilgen soñ, politsiya olğan bütün bilgisayar tehnikanı ve ev saibesini alıp ketti.

Bunı Qırım.Aqiqatqa teşebbüsçiniñ aqayı Оles bildirdi.

Aytqanına köre, evelerine silâlanğan adamlar keldi. Tintüvniñ esas sebebi, Yelizaveta, mayıs ayında qırımtatarlar lideri Mustafa Cemilevni Ermeni Bazar yanında qarşılağanlar arasında olğanı, dediler.

«Qoruyıcılar, bir qaç şaat ve eki-üç taqiqatçınen tintüvni keçirmek içün keldiler. Narkotik, yasaq etilgen edebiyat, silâ qıdırdılar. Olar endi kettiler ve onı (Yelizavetanı – müel. qayd.) da alıp kettiler, men de anda şimdi ketecem. Olar olğan bütün tehnikanı - bilgisayalar, fotoapparatlar, fleşka, atta maşinanıñ navigatorını aldılar», – dep ayttı teşebbüsçiniñ aqayı.

Sentâbr 8 künü saba, qırımlı teşebbüsçi, bloger Yelizaveta Bogutskayanıñ evine tintüv keçirmek içün politsiya keldi.

Liza Bogutski tahallüsinen belli olğan Yelizaveta Bogutskaya, içtimaiy ağlarda, çeşit neşirlerge, bu cümleden Qırım.Aqiqatqa teñqidiy maqaleler yaza edi.

Mayıs 3 künü, 2014 senesi Ukraina halq vekili Mustafa Cemilevni qarşılağanlardan eñ faal 100 kişi mahkemege çekildi.

Qırımda çeşit sebeplerden teşebbüsçilerniñ evlerinde tintüvler keçirilmekte.

XS
SM
MD
LG