Link açıqlığı

Putinniñ vekâletli temsilcisi qırımtatarlarnı akimiyet organlarına davet ete


Qırımtatar halqınıñ vekilleri Qırım devlet organlarında temsil etilmek kerek. Bunı cumaertesi künü, sentâbr 6-da, Aqmescitteki brifingde Rusiye prezidentiniñ Qırımdaki vekâletli temsilcisi Oleg Belaventsev bildirdi, – dep haber ete Qırım «ükümetiniñ» «ruporı» «Krıminform» saytı.

O, Tataristan Cumhuriyetini misal olaraq kösterdi. Tataristannıñ bir çoq genç mütehassısı federal devlet organlarında üyken vazifelerde buluna eken, qırımtatar halqınıñ vekilleri de olardan örnek almaq kerekler, dep ayttı Belaventsev.

«Bizler ümüt etemiz ki, qırımtatarlar yalıñız Qırım akimiyet organlarında degil de, Rusiye Federatsiyasınıñ devlet organlarında da temsil etilecekler», – dep ayttı Belaventsev.

Malüm olğanı kibi, Aqmescitte sentâbr 6-da «Qırımdaki zemaneviy basamaqta qırımtatar halqınıñ al-vaziyeti aqqında» konferentsiya keçirile.

Qırımtatar Milliy Meclis reisi Refat Çubarov «Qırımtatar halqınıñ zemaneviy alı» konferentsiyasına barmağa mecbur olğan adamlarnı Rusiye tarafından işğal etilgen Qırım akimiyetiniñ qırımtatarlarğa qarşı yapılğan areketlerge narazılıq köstermege çağırdı.

XS
SM
MD
LG