Terrorizmge qarşı quvetler saat 18.00 Ukraina şarqında ateşni toqtattılar. Bunı RNBO malümat analitik merkeziniñ spikeri Andriy Lısenko sentâbr 5-te aqşam bildirdi, dep haber ete «Ukrainskaya pravda».
Lısenkonıñ aytqanına köre, cumaertesi künü, sentâbr 6-da, esir alınğan adamlarnı almaştırmaları mümkün.
Bundan evel aynısını Ukraina prezidenti Petro Poroşenko ayttı. Onıñ bildirgenine köre, Minsk şeerinde olğan añlaşmalarğa binaen, cumaertesi künü, sentâbr 6-da, Ukraina şarqındaki arbiy areketler keçirilgen yerde esir alınğanlarnı almaştırıp başlaycaqlar.
