Link açıqlığı

Saatnıñ esas haberi

Ukraina prezidenti Petro Poroşenko bildirdi ki, Brüsselde ve Minskteki halqara muzakereler «Donbasstaki zıddiyetniñ barışıq siyasiy-diplomatik al etilmesine küçlü bir çağıruv» olğanını tasdıqladılar.

Aynı şeyler Poroşenkonıñ Waleste dünya liderleri ile olıp keçken NATO sammitinde oldı, -- dep ayttı prezident.

«Bütün dünya barışıq olmasını istey, bütün Ukraina barışıq olmasını istey, Donbassnıñ millionlarnen sakini de barışıq olmasını istey. İnsan ömüri eñ qıymetli şeydir, ve bizler qan tökülmesi ve insanlarnıñ azaplarını toqtatmaq içün mümkün olğan ve mümkün olmağan er şeyni yapmaq kerekmiz», -- aytıla devlet yolbaşçısınıñ matbuat hızmeti derc etken beyanatta.

«Rusiye prezidenti Vladimir Putinniñ Donbasstaki qanunsız silâlı birleşmelerniñ reberlerine ateşni toqtatmaq çağıruvı, Ukraina Prezidentiniñ barışıq planını amelge keçirüv boyunca Üç taraflı kontakt gruppası imzalağan vesiqağa köre, men Ukraina Silâlı Quvetleriniñ Baş ştab yolbaşçısına sentâbrniñ 5-de saat 18.00 başlap ateşni toqtatmağa emir etem. Men Ukraina tışqı işler Nazirine OSCE ile birlikte eki taraflı ateş toqtatılmasınıñ nezaret etilmesini temin etmege avale etem», -- dep bildirdi Petro Poroşenko.

Ukraina prezidenti bu añlaşmalar, şu cümleden ateş toqtatılması ve esirlerni azat etüv ömürge keçirilecegine ümüt beslegenini ayttı.

XS
SM
MD
LG