Link açıqlığı

Rusiye uquq qoruyıcıları Donbassta ğayıp olğan Qırım jurnalistini qıdıralar


Ukraina Cenüp-Şarqındaki arbiy areketler keçirilgen yerde «Krım» devlet teleradiokompaniyasınıñ erkândan tış çalışqan mühbiri Anna Mohovanı azat etmek içün Rusiye uquq qoruyıcıları celp etildi.

Bunı GTRK «Krım» baş muarrir Yekaterina Kozır bildirdi, dep haber ete Qırım «akimiyetiniñ» ruporı «Krıminform» saytı.

Kozırniñ qayd etkenine köre, jurnalistni Harkov vilâyetiniñ SBU bölüginde tutalar.

«O, Harkov civarındaki İzüm şeeriniñ SBU bölüginde buluna. Bu resmiy haber edi. SBU yardımcı olmağa istemey», – dedi o.

«Krım» devlet teleradiokompaniyasınıñ jurnalisti Anna Mohova avgust 24-te Donbasstaki arbiy areketler keçirilgen yerni ziyaret etkende ğayıp oldı.

Jurnalistni onıñ zenaatdaşı Aleksets Şapovalov ile birlikte Makeyevka yolunda belgisiz şahıslar yaqaladı.

Qırım.Aqiqat bergen malümatqa köre, Donetsk civarında yaqalanğan «Krımskiy telegraf» neşiriniñ jurnalistleri Yevgeniya Korolöva ve Maksim Vasilenko avgust 27-de Aqmescitke keri qayttılar.

XS
SM
MD
LG