№12 «Aqmescit-Kiyev» treni bomba yerleştirilgeni aqqında haber peyda olğan soñ toqtatıldı.
Bunı «Krımskiy vektor» yerli neşiri tren yolcularınıñ aytqanlarına esaslanıp yaza.
Olarnıñ malümatlarına köre, stantsiyağa trenni teşkergen uquq qoruyıcı organlarnıñ hadimleri keldiler.
«Politsiya ve acele yardım keldiler. Trenni köpeklernen beraber teşkerdiler. Bizni çıqarğanlar, ve telükesiz mesafede turmağa rica etkenler. Eki qıznı trenden çıqardılar, bizni ise, kirsetmezden evel, arbiyler teşkerdi ve köpekler qoqlap aldılar», – dep ayttı şaat Anatoliy.
Bomba aqqında haber yañlış oldı, tren ise beş saatten soñ yolunı devam etti.
