Qırım «Devlet şurasınıñ» reisi Vladimir Konstantinov Qırım gumanitar universitetiniñ fahriy professorı unvanına nail oldı.
Böyle bir attestat oña Yaltadaki «Yubileynıy» kino-kontsert kompleksinde şeer sakinleri ile körüşüvde berildi, dep haber ete Qırım «akimiyetiniñ» ruporı «Krıminform» saytı.
Qırım gumanitar universitetiniñ rektorı Aleksandr Gluzman bildirdi ki, Konstantinovğa bu unvannı bermek qararını ilmiy keñeş avgust 28-de qabul etti. İşbu unvan «universitet ilerilemesine qoşqan issesinen» bağlı eken.
Konstantinovğa professor mantiyası ve şlâpanı universitet studentleri berdiler.
Konstantinov ise 2014/2015 oquv yılınıñ I semestrinde V.A.Suhomlinskiyniñ mukâfatını aluv sertifikatlarını Qırım gumanitar universitetiniñ üç studentine berdi – Anastasiya Borodina, Oksana Pohvalitova ve Liliya Lige.
