Link açıqlığı

«Rusiyeli» Aqmescitniñ aliy oquv yurtında qırımtatar edebiyatı kafedrasını qapatalar


Aqmescitteki Tavriya milliy universitetinde qırımtatar edebiyatı kafedrası qapatıla.

Qırımtatar edebiyatı kafedrası V.İ.Vernadskiy adına Tavriya milliy universitetiniñ qırımtatar ve şarq filologiyası Fakultetiniñ qırımtatar filologiyası kafedrasına qoşulacaq, dep yaza QHA.

Fakultet reberi Ayder Memetovnıñ aytqanına köre, başqa fakultetlerge baqqanda, bu fakultette bir ocağa eki qat az student ait eken. Bunı esas sebep olaraq bildireler.

«Bir ocağa eñ azından 11-16 student olmaq kerek. Bu Rusiyeniñ aliy mektep aqqında nizamnamesidir. Ukrainada ise – bir ocağa 18 adam. Bizde qırımtatar studentleriniñ tahminen 25 fayızı Kiyevge ketti. 150 student olğan olsa, 81 student qaldı. Tabiiy ki, ocalar sayısı da eksile. Reberlik yardım etti – 81 studentke bizge 11 ocanı berdiler! Başqa fakultetlerde böyle şey yoq. Üç ocanı işten boşattılar. Bizde, bir ocağa 7 student ait. Diger fakultetlerde ise – 11-16 student», – dep añlattı Memetov.

Dekannıñ fikirince, bu şekilde kafedra olmamaq kerek.

«Bir kafedra olacaq – qırımtatar filologiyası (qırımtatar tili ve edebiyatı). Bizde şarq filologiyası kafedrasında 13 oca çalışa, qırımtatar filologiyası kafedrasında – 11 oca», – dep qayd etti Memetov.

Keçken sene avgust ayında TMU qırımtatar ve şarq filologiyası fakultetiniñ 6 ocasını işten boşatacaq ediler.

XS
SM
MD
LG